“Өркөн өй” күрэх оҕо библиотекатыгар

Үөһээ Бүлүү улууһугар ыытыллар ХХ Манчаары спортивнай оонньууларыгар уонна СР ыччат сылыгар, Россияҕа биллэриллибит айылҕа харыстабылын сылыгар аналлаах оскуола оҕолоругар ыытыллар булугас өйдөөхтөр күрэхтэрэ олунньу 28 күнүгэр оҕо библиотекатыгар буолан ааста. Барыта холбоон улуус оскуолаларыттан түөртүү киһилээх 12 хамаанда кыттыыны ылла.. Ол курдук Харбалаах, Тамалакаан, Ороһу, Хоро, Балаҕаннаах, Боотулуу, Кырыкый, Үөһээ Бүлүү киинин түөрт оскуолалара кытыннылар. Бу күрэҕи «Тускул» оҕо киинэ уонна Үөьээ бүлүүтээҕи оҕо библиотеката тохсус төгүлүн ыытар. Күрэх сыала-соруга: — оҕо толкуйдуур дьоҕурун сайыннарыы, билиитин кэҥэтии
— Саха сирин, Үөһээ Бүлүү историятын билиһиннэрии
— культураҕа, фольклорга сыһыаран иитии
— оҕону бары өттүнэн сайыннарыы, кэрэҕэ- үтүөҕэ уһуйуу
Күрэх 4 түһүмэҕинэн ааста. Ыйытыктар сүрүннээн Саха сирин, Үөһээ Бүлүү историятыттан уонна ХХ Манчаары спортивнай оонньууларын көрсөҮөһээ Бүлүүгэ спорт сайдыытыттан буолла. Икки чаастаах тыҥааһыннаах күрэх түмүгүнэн Гран- при үрдүк аатын Үөһээ Бүлүүтээҕи М.Т.Егоров аатынан 2№дээх орто оскуола (салайааччы Ефимов П.Г.), 1 миэстэни Тамалакаан орто оскуолата (салайааччы Федотова Л.В.), 2 миэстэни Үөһээ Бүлүүтээҕи Д.Д. Спиридонов аатынан орто оскуола (салайааччы Александрова Р.В.), 3 миэстэни Балаҕаннаах оскуолата (салайааччы Жендринская С.А.)ыллылар. Маны таһынан, ордук актыыбынай кыттааччыларга анал аат бэрилиннэ. “Лучший эрудит”- Григорьева Алгыстаана (10 кыл., Боотулуу), “Самый активный”- Константинов Рудольф (8 кыл., Хоро) , “Лучший кругозор”- Спиридонов Сергей (9 кыл., Балаҕаннаах), “Лучший интеллект”- Борисов Егор (10 кыл., Үөһээ Бүлүүтээҕи 4№-дээх орто оскуола). Бу курдук «Өркөн өй» интеллектуальнай күрэх сылын аайы үрдүк таһымнаахтык ыытыллар.

Добавить комментарий

Ваш e-mail не будет опубликован. Обязательные поля помечены *